Վրաստանի հանրային պաշտպանի գրասենյակը ևս մեկ անգամ արձագանքել է պետական հատվածից մարդկանց զանգվածային աշխատանքից ազատմանը։

Հանրային պաշտպանի գրասենյակը համարում է, որ «անընդունելի է հանրային ծառայողների ազատումը նրանց բացահայտ արտահայտած քաղաքացիական դիրքորոշումների կամ կարծիքների պատճառով»։

Մարտի 19-ին «Վրաստանի երիտասարդ իրավաբանների ասոցիացիա»-ն հայտարարեց, որ շարունակվող բողոքի ակցիաներին զուգահեռ հարյուրավոր աշխատակիցներ են հեռացվել պետական ​​հիմնարկներից։

Ըստ ասոցիացիայի` միայն ՊՆ-ից հեռացվել է մոտ 150 մարդ։ Բազմաթիվ մարդիկ հեռացվել են այլ նախարարություններից, գերատեսչություններից, մի շարք հիմնարկներից։

Օմբուդսմեն Լևան Իոսելիանին մարտի 20-ին հայտարարել էր, որ պետական ծառայության ցանկացած կադրային որոշում «պետք է լիովին համապատասխանի աշխատանքային իրավունքների պաշտպանության սահմանադրական երաշխիքներին»։

Ըստ Հանրային պաշտպանի գրասենյակի՝ 2024 թվականի դեկտեմբերից պետական աղբյուրներում տարածված տեղեկատվության հիման վրա գրասենյակի աշխատակիցները կապ են հաստատել աշխատանքից հեռացված 41 անձի հետ։