Թբիլիսիի քաղաքապետ Կախա Կալաձեի խոսքով՝ Թբիլիսիի քաղաքապետարանը քաղաքացիներին հնարավորություն կտա հեծանիվը տեղափոխել հասարակական տրանսպորտով:
Քաղաքային կառավարության այսօրվա նիստում Կալաձեն հանձնարարել է, որ քաղաքապետարանի աշխատակիցները ուսումնասիրեն և ձեռք բերեն համապատասխան ամրակներ՝ դրանք աստիճանաբար հասարակական տրանսպորտի վրա տեղադրելու համար:
«Հեծանիվները քաղաքում շատ տարածված են դառնում: Հեծանիվի տեղափոխումը հասարակական տրանսպորտով, սակայն, արգելվում է, ինչպես գիտենք։ Ուստի, մենք ուզում ենք զարգացած քաղաքների օրինակով առաջնորդվել. Բոլոր զարգացած երկրներում հասարակական տրանսպորտը համապատասխան ամրակներ ունի տեղադրված առջևի կամ ետևի հատվածում», — ասել է քաղաքապետը:
Հեծանվորդը ինքը պետք է ամրացնի հեծանիվը տրանսպորտին և կկարողանա տեղափոխվել A կետից B կետը:
