ԱՄՆ ֆինանսների նախարարության կողմից պատժամիջոցներ սահմանելուց մի քանի օր անց՝ 2024 թվականի դեկտեմբերի 31-ին, «Վրացական երազանք» կուսակցության հիմնադիր և պատվավոր նախագահ, օլիգարխ Բիձինա Իվանիշվիլիի ընտանիքը սկսել է սեփական ընկերությունները օֆշորային գոտիներից տեղափոխել Վրաստան։ Այդ մասին տեղեկացնում է «Թրանսփարենսի Ինթերնեշնլ-Վրաստան» (TI) հասարակական կազմակերպությունը (ՀԿ)։

TI-ը հրապարակում է ուսումնասիրություն՝ հիմնվելով լրատվամիջոցներում արդեն տարածված տեղեկատվության վրա։ Գրում է, որ 2025 թվականի դեկտեմբերի 31-ից մինչև 2025 թվականի հունվարի 20-ը Իվանիշվիլին, կնոջ Էկատերինա Խվեդելիձեի և որդու` Ուտա Իվանիշվիլիի հետ գրանցել է 4 նոր բաժնետիրական ընկերություն։

Դրանք են՝ «ԱՏՈՒ Հոլդինգ» ԲԲԸ, «Տերա» ԲԲԸ, «Լուսոլի» ԲԲԸ և «Ջի Սի Էփ Վրաստան» ԲԲԸ։

Ըստ TI-ի՝ նրանք սկսել են վերագրանցել օֆշորային ընկերությունների միջոցով նախկինում իրենց պատկանող վրացական ընկերությունները այդ ընկերություններում։

«Պաշտոնականացման այդ գործընթացը հատկապես ակտիվացել է վերջին օրերին: Հավանական է, որ գործընթացի ավարտին Իվանիշվիլիի ընտանիքը լիովին կձևակերպի իր վրացական ընկերություններն օֆշորներից», — նշել է ՀԿ-ն։

Ի դեպ, ԱՄՆ ֆինանսների նախարարությունը պատժամիջոցներ է կիրառել Իվանիշվիլիի նկատմամբ 2024 թվականի դեկտեմբերի 27-ին։ Պատժամիջոցների կիրառման պատճառը Իվանիշվիլիի կողմից Վրաստանում ժողովրդավարական գործընթացների խարխլումն է։