Աշխարհի 500 ամենահարուստ մարդկանց Bloomberg Billionaires Index-ի համաձայն, Վրաստանի նախկին վարչապետ, իշխող «Վրացական երազանք» կուսակցության հիմնադիր Բիձինա Իվանիշվիլիի ունեցվածքը վերջին փոփոխությունից հետո աճել է 50 մլն դոլարով, իսկ տարեսկզբից մինչև ապրիլի 4-ը՝ 325 մլն դոլարով։
Այսպես, ապրիլի 4-ի դրությամբ Իվանիշվիլիի ընդհանուր ունեցվածքը կազմել է 5,92 միլիարդ դոլար, և նա զբաղեցնում է 407-րդ տեղը 500 ամենահարուստ մարդկանց շարքում։
Նշենք, որ 10 ամենահարուստ գործարարներից 7-ը տեխնոլոգիական ոլորտից են։
Ի դեպ, Bloomberg Billionaires Index-ը թարմացվում է Նյու Յորքում յուրաքանչյուր առևտրային օրվա վերջում:
