Իրանի նախագահ Մասուդ Փեզեշքիանը շնորհավորել է Վրաստանի վարչապետ Իրակլի Կոբախիձեին ընտրություններում տարած հաղթանակի կապակցությամբ։
Իրանի նախագահի ուղերձը տարածել է Վրաստանում Իրանի դեսպանությունը.
«Ցանկանում եմ ի սրտե շնորհավորել Ձերդ Գերազանցությանը և վրաց ժողովրդին խորհրդարանական հաջող ընտրությունների և այդ ընտրություններում «Վրացական երազանք» կուսակցության հաղթանակի կապակցությամբ։
Հուսանք, այս ընտրությունները, որ վրաց ժողովրդի կամարտահայտությունն են, կդառնան վրաց ժողովրդի առաջընթացի և բարօրության սկիզբը, երկու երկրների միջև կամրապնդեն հարաբերությունները և կզարգացնեն համագործակցությունը:
Տիրոջից հայցում եմ Ձերդ Գերազանցության առողջությունը և հաջողություններ, իսկ բարեկամ վրաց ժողովրդին` հաջողություններ»,- ասված է հաղորդագրությունում։
Նշենք, որ, բացի հարևան Հայաստանից, Ադրբեջանից և Թուրքիայից, «Վրացական երազանք»-ին ընտրություններում տարած հաղթանակի կապակցությամբ շնորհավորել են միայն Վենեսուելան, Հունգարիան, Չինաստանը և Իրանը։
Վրաստանը մեկուսացվում է. որ երկրներն են շնորհավորել «Վրացական երազանք»-ին
