Վրաստանի քաղաքացիներն այս տարի գրեթե չորս անգամ ավելի շատ են մեկնում արտերկիր, քան անցյալ տարի, երբ համավարակի պատճառով բազմաթիվ սահմանափակումներ կային։

Հայտնի է, որ առաջին եռամսյակում արտասահմանյան ուղևորությունների թիվն աճել է 274%-ով։

Ազգային վիճակագրական ծառայության (Geostat) տվյալներով՝ հունվար-մարտ ամիսներին Վրաստանի բնակիչներն արտասահման մեկնել են 216,2 հազար անգամ։

Համեմատելով մինչև համաճարակը կյանքի հետ՝ այս ցուցանիշը վերականգնվել է գրեթե կիսով չափ։

Բոլոր արտասահմանյան ուղևորությունների գրեթե կեսը կատարվել է Թուրքիա՝ 46%։ Երկրորդ տեղում է Ռուսաստանը՝ 12%, նույնքանը՝ Հայաստան և ԵՄ երկրներ։

Վրաստանցի ճանապարհորդների մեկ երրորդն ասում է, որ մեկնել է ընկերներին և հարազատներին այցելելու, գրեթե նույնքանը որպես ճանապարհորդության հիմնական նպատակ նշել են գնումները: Գործուղումները կազմել են ճանապարհորդությունների հինգերորդ մասը, և միայն 12%-ն է գնացել հանգստանալու:

Արտասահմանյան ուղևորությունների վրա ծախսվել է 285 մլն լարի։