Հունական SKY Express ավիաընկերությունը մուտք է գործել վրացական ավիաշուկա։ Այս տեղեկությունը տարածել Վրաստանի օդանավակայանների միությունը։
Հաղորդագրության համաձայն՝ հունական SKY Express-ը շաբաթական երեք անգամ չվերթեր կիրականացնի Աթենքից Թբիլիսի՝ Airbus A321 neo ինքնաթիռով։

«Եվս մեկ եվրոպական ավիաընկերություն է մուտք գործել վրացական ավիաշուկա։ Հունական SKY Express-ը շաբաթական երեք անգամ ուղիղ կանոնավոր չվերթեր է իրականացնելու Աթենքից Թբիլիսի Airbus A321 neo ինքնաթիռներով։

Նոր ավիաընկերության մուտքի կապակցությամբ Թբիլիսիի միջազգային օդանավակայանի մեկնման սրահում տեղի է ունեցել ընդունելություն»,- նշված է հաղորդագրության մեջ։

Վրաստանի օդանավակայանների միության գլխավոր տնօրեն Իրակլի Քարքաշաձեի խոսքով՝ SKY Express-ը կհեշտացնի երկու երկրների միջև օդային ճանապարհորդությունը և կավելացնի ուղևորահոսքը։