2023 թվականի հոկտեմբերին, սեպտեմբերի համեմատ, Վրաստանում գնաճը կազմել է 0,6 տոկոս, իսկ տարեկան գնաճը՝ 0,8 տոկոս։ Այս տվյալները հրապարակել է Վրաստանի ազգային վիճակագրական ծառայությունը (Geostat)։
Ըստ Geostat-ի՝ բազային գնաճը 2023 թվականի հոկտեմբերին, նախորդ տարվա համապատասխան ժամանակահատվածի համեմատ կազմել է 2,4 տոկոս։
Նույն տվյալների համաձայն, մրգերի գինն աճել է 15 տոկոսով, ձկանեղենինը՝ 6,9 տոկոսով, մսեղենինը՝ 5,9 տոկոսով։ 10 ապրանքատեսակներ, որոնք ամենաշատ են թանկացել հոկտեմբերին.
- դեղձ՝ 52 տոկոսով,
- խաղող՝ 40,8 տոկոսով,
- կանաչեղեն՝ 39,2 տոկոսով,
- սալոր՝ 38,2 տոկոսով,
- տանձ՝ 34,1 տոկոսով,
- վարունգ՝ 27,8 տոկոսով,
- կաղամբ՝ 22,9 տոկոսով,
- տոմատի մածուկ՝ 21,3 տոկոսով,
- խնձոր՝ 18 տոկոսով,
- պղպեղ՝ 16,8 տոկոսով:
