Նոյեմբերի 19-ին վրաստանյան հասարակական կազմակերպությունները (ՀԿ) համատեղ հայտարարություն են տարածել կալանավորված անձանց նկատմամբ դատական ​​գործընթացի ընթացքի վերաբերյալ։

Ըստ ՀԿ-ների՝ ներքին գործերի նախարարության (ՆԳՆ) աշխատակիցները նոյեմբերի 20-ի աշխատանքային ժամի ավարտին` ժամը 18:00-ից քիչ առաջ բերման ենթարկվածներին դատարան են տարել առանց փաստաբաններին նախապես ողջամիտ ժամկետում տեղյակ պահելու։ Մի քանի դատավորներ գործերը քննել են միաժամանակ։

Ըստ կազմակերպությունների, դատավորները «կանխամտածված» չեն ընդառաջել գործի նյութերին ծանոթանալու փաստաբանների պահանջներին՝ դրանով իսկ «անտեսելով արդար դատաքննության իրավունքը»։

Նրանք դատարանին կոչ են արել փաստաբաններին և կողմերին տալ անհրաժեշտ ժամանակ՝ գործի նյութերին ամբողջությամբ ծանոթանալու և նոր ապացույցներ գտնելու համար։

Նոյեմբերի 20-ին Թբիլիսիի քաղաքային դատարանը նոյեմբերի 19-ի բողոքի ակցիայի ժամանակ ձերբակալված Իրակլի Անդղուլաձեին տուգանել է 2700 լարիի չափով։ Մեկ այլ կալանավոր՝ Իսակո Դևիձեն, դատապարտվել է 8 օրվա ազատազրկման։

Երկուսն էլ մեղադրվում են հանրահավաքի ժամանակ ոստիկանության պահանջներին չենթարկվելու համար (Վարչական իրավախախտումների վերաբերյալ օրենսգրքի 173-րդ հոդված):

Տուգանք և ազատազրկում բերման ենթարկվածների հանդեպ