Վրաստանի հասարակական կազմակերպությունները Արդարադատության բարձրագույն խորհրդին հորդորում են հետևել օրենքի պահանջներին՝ կապված իրենց գործունեության հրապարակայնության հետ՝ ապահովելով մոնիտորինգ իրականացնող կազմակերպությունների ներկայացուցիչների ներկայությունը խորհրդի նիստերին՝ մշտադիտարկման նպատակով։
Հայտարարությունը ստորագրողները նշում են, որ չնայած բազմաթիվ խոչընդոտներին, հասարակական կազմակերպությունները տարիներ շարունակ վերահսկում են Արդարադատության բարձրագույն խորհրդի նիստերը, թեև վերջին շրջանում խորհուրդն ամբողջությամբ թույլ չի տվել այդ հնարավորությունը։
Նրանց խոսքով՝ այս խնդիրն առաջին անգամ առաջացել է 2024 թվականի հուլիսի 8-ին, իսկ երկրորդ անգամ՝ հուլիսի 11-ին.
«Երկու դեպքում էլ Արդարադատության բարձրագույն խորհուրդ եկած դիտորդներին երկար ժամ սպասելուց հետո ասել են, որ նիստը հետաձգվել է։ Ավելի ուշ պարզվել է, որ Արդարադատության բարձրագույն խորհուրդը նիստ է անցկացրել այն ժամանակ, երբ դիտորդները շենքում են եղել, թեև նրանց թույլ չեն տվել մասնակցել նիստին»,- ասված է հասարակական կազմակերպությունների տարածած հաղորդագրության մեջ։
Հայտարարության հեղինակները նշում են, որ Արդարադատության բարձրագույն խորհրդի նիստերի մշտադիտարկման անհրաժեշտությունը հատկապես կարևոր է այս ինստիտուտի հաշվետվողականության բացակայության պատճառով։
