Վրաստանում ՀՀ դեսպան Աշոտ Սմբատյանը հանդիպել է Վրաստանի կրոնի հարցերով պետական գործակալության ղեկավար Զազա Վաշակմաձեի հետ, հայտնում է Վրաստանում ՀՀ դեսպանատունը:
Նշվում է, որ հանդիպմանն անդրադարձ է կատարվել գործակալության կառուցվածքին և հիմնական գործառույթներին, ինչպես նաև դրա կողմից իրականացվող ծրագրերին՝ ուղղված Վրաստանի էթնիկ և կրոնական բազմազանության պահպանմանը։
«Կողմերը պատրաստակամություն հայտնեցին սերտորեն համագործակցել իրականացվող նախաձեռնությունների շրջանակում»,- նշված է տարածված հաղորդագրության մեջ:
