Փետրվարի երկրորդ կեսին և մարտի սկզբին Թբիլիսիում երեք խոշոր բողոքի ակցիա է հայտարարվել։

Փետրվարի 18-ին կանցկացվի բողոքի ցույց «Մինչև վերջ» կարգախոսով։ Այս օրը համընկնում է «Վրացական երազանք»-ի հիմնադիր Բիձինա Իվանիշվիլիի ծննդյան օրվա հետ, որին հայտարարության հեղինակներն անվանում են օլիգարխ և «Վրաստանի միակ ոչ լեգիտիմ փաստացի կառավարիչ»։

Փետրվարի 25-ին տեղի կունենա ցույց Վրաստանի խորհրդայնացման օրվան ընդառաջ: «Մենք պայքարելու ենք մինչև վերջ և թույլ չենք տա, որ այս պատմությունը կրկնվի»,- ասված է ակցիայի մասին հայտարարության մեջ։

Մարտի 7-ին կլրանա բողոքի ցույցերի 100-րդ օրը այն պահից, երբ «Վրացական երազանք»-ի կառավարությունը հայտարարեց, որ դադարեցնում է ԵՄ-ին անդամակցելու բանակցությունները: Ակցիան տեղի կունենա «Թույլ չենք տա, որ գողանան երկրի ապագան» կարգախոսով։

Այս ընթացքում «Վրացական երազանք»-ը հանրահավաքների և հավաքների մասին օրենսդրությունը երկու անգամ խստացրել է։

Այսօր ամենօրյա բողոքի ակցիաների 75-րդ օրն է. Երեկոյան ակցիաներ են հայտարարված Թբիլիսիում, Քութաիսիում, Բաթումիում, Զուգդիդիում, Թելավիում, Գորիում, Ախմետայում և Ախալցխայում։