Միջազգային հանրապետական ինստիտուտի (IRI) հասարակական կարծիքի հարցման համաձայն՝ հարցվածների 72 տոկոսը ցանկանում է հաջորդ ընտրություններում տեսնել նոր քաղաքական կուսակցություններ։
Հարցվածների 22 տոկոսը գոհ է քաղաքական կուսակցությունների ներկայիս ընտրությունից, իսկ 7 տոկոսը չի ցանկացել պատասխանել։
Ըստ IRI-ի հարցվածների` 52 տոկոսն ամբողջությամբ կամ մասնակիորեն կողմ է արտահերթ խորհրդարանական ընտրությունների անցկացմանը, 42 տոկոսն ամբողջությամբ կամ մասամբ դեմ է արտահերթ ընտրությունների անցկացմանը, իսկ 6 տոկոսը հարցին չի պատասխանել:
Հետազոտության համաձայն, հարցվածների 62 տոկոսը կարծում է, որ երկիրը զարգանում է սխալ ուղղությամբ:
IRI-ի պատվերով ուսումնասիրությունն իրականացվել է 2022 թվականի սեպտեմբերի 13-ից հոկտեմբերի 2-ն ընկած ժամանակահատվածում։ Դեմ առ դեմ հարցումն իրականացրել է IPM ընկերությունը: Հարցվել է 1 500 չափահաս քաղաքացի։ Սխալի սահմանը +/- 2,5 տոկոս է:
