«Ազգային ժողովրդավարական ինստիտուտի» (NDI) և «Հետազոտական ռեսուրսների կովկասյան կենտրոնի» (CRRC) համատեղ ուսումնասիրության համաձայն՝ հարցվածների մեծամասնությունը Վրաստանի կրթական համակարգի առջև ծառացած ամենամեծ խնդիրը համարում է կրթության ցածր որակը, առցանց ուսուցմանն առնչվող դժվարությունները և բուհերում ուսման բարձր վճարը։
Հարցվածների 31 տոկոսը նշում է, որ հիմնական մարտահրավերը կրթության ցածր որակն է ընդհանրապես, 30 տոկոսին անհանգստացնում են առցանց ուսուցման հետ կապված դժվարությունները, իսկ 23 տոկոսը նշում է մասնավորապես բուհերում կրթության ցածր որակը։
Ըստ հետազոտության հեղինակների՝ Թբիլիսիի բնակչությանը հատկապես անհանգստացնում են ցածրորակ կրթությունը և ուսուցիչների/դասախոսների անբավարար որակավորումը։
