Հակակոռուպցիոն բյուրոն, որին ընդդիմադիր կուսակցություններն ու հասարակական կազմակերպությունները մեղադրում են իշխանությունից կախվածության համար, իր գործունեությունը խթանելու համար Facebook-ում գովազդի վրա կծախսի 30 հազար լարի:

«Նշված գնման նպատակը Հակակոռուպցիոն բյուրոյի կողմից 2025 թվականի համար նախատեսված աշխատանքային հանդիպումների լուսաբանումն է ինչպես Վրաստանում, այնպես էլ տարբեր երկրներում։ Պետք է լուսաբանվեն նաև հակակոռուպցիոն խնդիրների վերաբերյալ հանրային իրազեկվածության բարձրացմանն ուղղված կոնֆերանսներն ու նախագծերը»,- հայտնել են Հակակոռուպցիոն բյուրոյից։

2022 թվականի նոյեմբերի 30-ին խորհրդարանը փոփոխություններ կատարեց Հանրային հիմնարկում շահերի բախման և կոռուպցիայի մասին օրենքում և ստեղծեց հանրային իրավունքի իրավաբանական անձ՝ Հակակոռուպցիոն բյուրո։ Ծառայության պետին նշանակել է վարչապետը։ Վենետիկի հանձնաժողովի եզրակացության մեջ նշված էր, որ վարչապետի նման իրավասությունը խնդրահարույց է։