Վրաստանում յուրաքանչյուր 10 հիվանդից, ովքեր ունեն հազ, փռշտում են և բարձր ջերմություն, 6-ը, ամենայն հավանականությամբ, վարակված են գրիպով, ասել է Իաշվիլիի անվան կենտրոնական մանկական հիվանդանոցի բժշկական տնօրեն Իվանե Չխաիձեն։
Նրա խոսքով, եթե դեկտեմբերի վերջին վիրուսների ընդհանուր բաշխման մեջ գրիպի տեսակարար կշիռը կազմում էր 25 տոկոս, ապա այժմ այն հասել է 60 տոկոսի։
Ըստ նրա՝ գրիպի վիրուսների համամասնությունն ավելանում է. հունվարն աչքի է ընկել գրիպի վիրուսի աճի առումով: Նշվում է՝ գրիպի դեպքերի ավելացմանը զուգընթաց աճել է նաև հոսպիտալացման ցուցանիշը, իսկ Իաշվիլիի կլինիկայում ավելացվել է 25 մահճակալանոց բաժանմունք։
«Իաշվիլիի կլինիկայում հոսպիտալացման ցուցանիշը կտրուկ աճել է: Մեր կառուցվածքային կազմին ամբողջությամբ ավելացրինք մեկ բաժին, 25 մահճակալը քիչ էր։ Եվս 25 մահճակալով բաժանմունք ենք ազատել երեխաներին տեղավորելու համար։ Իր ծանր ընթացքի պատճառով գրիպը պետք է բուժվի կլինիկայում։ Մեր կլինիկայում գրիպից մահվան դեպքեր չեն գրանցվել», — նշել է Չխաիձեն:
