«Որևէ դեղորայքի, որևէ բանի պակաս այս պահի դրությամբ չկա, ակտիվորեն աշխատում ենք ինչպես Վրաստանի առողջապահության նախարարության, այնպես էլ հիվանդանոցի տնօրինության, դեսպանատան հետ` մեր հիվանդների բոլոր կարիքները կհոգանք», — այս մասին «Ալիք մեդիայի» հետ զրույցում հայտնեց ՀՀ առողջապահության նախարարության արտակարգ իրավիճակների և զորահավաքային նախապատրաստության բաժնի պետ Գաբրիել Թեփելիկյանը։
Թեփելիկյանից նաև տեղեկացանք, որ վարորդի վիճակը ևս ծայրահեղ ծանր է։ Մնացած տուժածների վիճակը բավարար է։ Ամենայն հավանականությամբ` վաղը նրանք Թբիլիսիի և Գորիի հիվանդանոցներից ՀՀ առողջապահության նախարարության շտապ օգնության ուղղաթիռով կտեղափոխվեն Երևան։
Այս ընթացքում քաղաքացիները վիրավոր երեխայի համար արյուն հանձնելու պատրաստակամություն են հայտնում։
Նշենք, որ Վրաստանում ՀՀ դեսպանատնից հայտնում են, որ
ՀՀ առողջապահության փոխնախարար Հովհաննես Հարությունյանը և Արտակարգ իրավիճակների փոխնախարար Արմեն Հովհաննիսյանը Վրաստանում ՀՀ դեսպան Ռուբեն Սադոյանի ուղեկցությամբ այցելել են Գորիի մոտակայքում տեղի ունեցած վթարի տուժածներին։
Հիշեցնենք, որ լուսադեմին հայկական համարներով մեքենա է վթարվել Գորիի մոտ։
