Ազգային բանկի հրապարակած հաշվետվության համաձայն՝ Վրաստանում գնաճի բարձրակետի շրջանն արդեն ավարտվել է։

Ազգային բանկի կանխատեսմամբ՝ 2023 թվականի առաջին եռամսյակում գնաճը կնվազի մինչև 8,8 տոկոս, ապա կնվազի մինչև 5,2 տոկոս, իսկ տարեվերջին սպասվում է, որ գնաճը կկազմի շուրջ 3,4 տոկոս։

«2022 թվականի դեկտեմբերին տարեկան գնաճը կազմել է 9.8 տոկոս, իսկ նոյեմբերի համեմատ գները նվազել են 0.3 տոկոսով։ Վրաստանում գնաճի բարձրակետի շրջանն անցել է և վերջին ամիսներին աստիճանաբար նվազում է։ Միջազգային շուկաներում ապրանքների գները դեռևս բարձր մակարդակի վրա են, սակայն վերջին ամիսներին նկատվում է որոշակի կայունացման և նվազման միտում, որը կապված է նաև լարիի փոխարժեքի ամրապնդման հետ», — նշված է Ազգային բանկի տարածած տեղեկության մեջ։