Գիորգի Բուխրաշվիլին նշանակվել է Աջարիայի ոստիկանության վարչության պետ։ Նա փոխարինել է Գրիգոլ Բեսելիային։ Տեղեկությունն «Ազատություն» ռադիոկայանի հարցմանն ի պատասխան հաստատել են ՆԳՆ մամուլի ծառայությունից։

Մինչ այդ Բուխրաշվիլին եղել է Սամցխե-Ջավախեթիի ոստիկանական բաժանմունքի տնօրենը։

«Պիրվելի արխի»-ն 2021 թվականին գրել էր, որ Գիորգի Բուխրաշվիլին՝ այդ ժամանակ Նաձալադևիի ոստիկանության ղեկավարը, մասնակցել է Վրաստանի նախկին նախագահ Միխեիլ Սաակաշվիլիի ձերբակալությանը։