«Վրացական երազանք»-ի միակուսակցական խորհրդարանը երրորդ ընթերցմամբ հավանություն է տվել գործող 15 օրենքներից «գենդեր» բառի իսպառ վերացման օրենքին:
«Գենդերային հավասարությունը» փոխարինվել է «կանանց և տղամարդկանց իրավահավասարություն» բառերով: «Գենդերային ինքնություն» հասկացությունը նույնպես իսպառ վերանում է օրենսդրությունից:
Խորհրդարանը երրորդ ընթերցումից հետո «Գենդերային հավասարության մասին» օրենքում փոփոխություններն ուղարկել է «Վրացական երազանք»-ի ընտրած 6-րդ նախագահ Միխեիլ Կղավելաշվիլիին` ստորագրելու համար։ Կղավելաշվիլիի ստորագրելուց հետո այս օրենքն ուժի մեջ կմտնի օրենսդրական տեղեկագրում հրապարակվելուց անմիջապես հետո:
Գենդերային հետազոտողները այս փոփոխությունները գնահատում են որպես «հարգանքի տուրք ծայրահեղ աջ ընտրողներին»:
