სომხეთის სურსათის უვნებლობის სახელმწიფო სამსახურმა განაცხადა, რომ 1-ლი აპრილიდან პურისა და საცხობის პროდუქტების ტრანსპორტირებისთვის სანიტარული ცნობის ქონა სავალდებულო გახდება ყველა რაიონში.
უფრო ადრე, კერძოდ, 2017 წლის 1-ლი სექტემბრიდან ზემოაღნიშნული ნორმა სავალდებულო იყო საზოგადოებრივი კვების ორგანიზაციებისთვის ერევანში საჯარო შესყიდვებით შეძენილი პურის პროდუქციის მიწოდებაზე, ხოლო 1-ლი ნოემბრიდან უკვე ერევნის გაყიდვების ქსელებისთვის.
