სომხეთის სასამართლოს გადაწყვეტილებით, ქალაქ გიუმრიში რუსეთის სამხედრო ბაზაზე დაკავებული დარჩება რუსი ჯარისკაცი, რომელსაც წაყენებული აქვს სომეხი ქალის მკვლელობის ბრალდება. ამის შესახებ “რადიო თავისუფლება” წერს.
23 წლის ანდრეი რაზგილდეევი დეკემბერში დააკავეს 57 წლის გიუმრელი დამლაგებლის, ჯულიეტა ღუკასიანის ცემით მოკვლასთან კავშირში ეჭვმიტანით. მიუხედავად იმისა, რომ რაზგილდეიევი ბრალდებულია სომხეთის კანონებით, ის იმყოფება რუსეთის სამხედრო ბაზაზე, სადაც მსახურობდა. ეს გარემობა მსხვერპლის ოჯახისა და უფლებადამცველების უკმაყოფილებას იწვევს.
ადგილობრივმა სასამართლომ 19 მარტს უარყო ღუკასიანის ოჯახის სარჩელი სომხეთის მართლმსაჯულებისათვის რაზგილდეიევის გადაცემის მოთხოვნით.
ქალზე რუსი ჯარისკაცის სავარაუდო თავდასხმის მოტივები ჯერ არ დაუდგენიათ. დამნაშავედ ცნობის შემთხვევაში, მას ხუთიდან 10 წლამდე პატიმრობა ემუქრება.
მოკლულის ქალიშვილის ადვოკატი, არაიკ ზალიანი აღნიშნავს, რომ სრული და მიუკერძოებელი გამოძიება მხოლოდ იმ შემთხვევაშია შესაძლებელი, თუ რაზგილდეიევს სომხეთის ხელისუფლებას გადასცემენ.
Latest posts by ანნა ტანდარიანი (see all)
- ქალები შუშის ჭერქვეშ - 25/03/2021
- “ქალების სრულყოფილების ფორმულა” - 24/03/2021
- ქალთა შრომითი ურთიერთობები და გენდერული როლები - 12/03/2021
