სომხეთში კორონავირუსის სამი ახალი შემთხვევა დადასტურდა. ამის შესახებ ქვეყნის პრემიერ-მინისტრმა ნიკოლ ფაშინიანმა განაცხადა. მანამდე ქვეყანაში ვირუსის მხოლოდ ერთი შემთხვევა იყო დაფიქსირებული.
„სამწუხაროდ, დღეს, სამი ახალი შემთხვევა გვაქვს – ორი მათგანი სომხეთის მოქალაქეა – 45 და 27 წლის, ერთი კი იტალიის მოქალაქე, 51 წლის, რომელიც სომხეთში მუშაობს. სამივე მათგანი სომხეთში იტალიიდან ჩამოვიდა“, – წერს ფაშინიანი „ფეისბუკის“ პირად გვერდზე.
მისი თქმით, ახლა დაინფიცირებულთა პირადი კონტაქტების შესახებ ინფორმაცია დგინდება.
მისივე ინფორმაციით, დაავადებულთაგან ორს ჩივილები არ აქვს, მესამეს კი პნევმონია უფიქსირდება.
interpressnews.ge
Latest posts by ანნა ტანდარიანი (see all)
- ქალები შუშის ჭერქვეშ - 25/03/2021
- “ქალების სრულყოფილების ფორმულა” - 24/03/2021
- ქალთა შრომითი ურთიერთობები და გენდერული როლები - 12/03/2021
