სომხეთის პრეზიდენტი არმენ სარქისიანი სამართალდამცავ ორგანოებს აფრთხილებს, ძალადობისგან და არათანაბარი ძალის გამოყენებისგან თავი შეიკავონ. ოპოზიცია დაგეგმილ საპროტესტო აქციაზე პრემიერ-მინისტრის ნიკოლ ფაშინიანის გადადგომას მოითხოვს. პრეზიდენტმა მიმართვისას განაცხადა, რომ ქვეყანა ღრმა კრიზისშია.
„ თანამდებობის, პოლიტიკური მრწამსის და ხედვის მიუხედავად, უნდა ვიფიქროთ ჩვენი სახელმწიფოს და ხალხის მომავალზე“, – განაცხადა სომხეთის პრეზიდენტმა.
მისი თქმით, თითოიეულ ადამიანს აქვს აზრის გამოხატვის, უკმაყოფილების გამოხატვის უფლება. ასევე, აქვთ უფლება მოითხოვოს ხელისუფლებისგან ახსნა-განმარტება აურაცხელი ადამიანური და ტერიტორიული დანაკარგის შესახებ, რომელიც ომის შედეგად მოხდა.
„მივმართავ ყველას: თქვენი ყოველი ქმედება უნდა იყოს სამართლიანი, კანონთან შესაბამისი. ასევე მივმართავ სამართალდამცავებს: მართლწესრიგის უზრუნველყოფა აუცილებელია. ამავდროულად, გახსოვდეთ, რომ ერევნის ქუჩებში თქვენ წინაშე დგანან თქვენი თანამოქალაქეები. მათ შორის არიან ადამიანები, რომლებიც რამდენიმე დღის წინ იცავდნენ სამშობლოს და თითოეულ ჩვენგანს“ , – განაცხადა სარქისიანმა.
interpressnews.ge
Latest posts by ანნა ტანდარიანი (see all)
- ქალები შუშის ჭერქვეშ - 25/03/2021
- “ქალების სრულყოფილების ფორმულა” - 24/03/2021
- ქალთა შრომითი ურთიერთობები და გენდერული როლები - 12/03/2021
