სომხეთის პარლამენტმა საბოლოო წაკითხვით დაამტკიცა კანონი, რომელიც მიმართულია „კანონიერი ქურდებისა“ და მათი ორგანიზებული დანაშაულებრივი საქმიანობის წინააღმდეგ.
22 იანვარს მიღებული კანონით, პირებს, რომლებსაც დაუმტკიცდებათ „დანაშაულებრივი სუბკულტურული ჯგუფის შექმნა ან ლიდერობა“ და პირებს, რომლებიც „კანონიერ ქურდებად“ იწოდებიან, 10 წლამდე პატიმრობა და ქონების კონფისკაცია ემუქრებათ.
თუკი დანაშაულებრივი ჯგუფი შეიქმნება პატიმრის, „კანონიერი ქურდის“, სამხედრო ოფიცრის ან ხელისუფლების წარმომადგენლის მიერ, სასჯელი შეიძლება 12 წლით პატიმრობამდე გაიზარდოს.
მიმომხილველთა თანახმად, სომხეთის მთავრობა და იუსტიციის სამინისტრო ეძებენ გზებს, რათა შეასუსტონ მაფიური ჯგუფების გავლენა ჩვეულებრივ პატიმრებზე და წესრიგი შეიტანოს პენიტენციურ სისტემაში.
მმართველმა ბლოკმა „ჩემმა ნაბიჯმა“ მხარი დაუჭირა კანონს, ოპოზიციური პარტია „განათლებული სომხეთის“ წარმომადგენლებმა თავი შეიკავეს, ოპოზიციური პარტია „აყვავებული სომხეთის“ დეპუტატებმა წინააღმდეგ მისცეს ხმა.
კანონპროექტი იუსტიციის მინისტრმა წარადგინა და სომხეთის მთავრობამ ის აგვისტოში მოიწონა.
როგორც იტყობინებიან, სექტემბერში სომხეთის მთავარ საპატიმროებში მომხდარი ამბოხება მთავრობის გეგმის წინააღმდეგ იყო მიმართული.
ყოფილ საბჭოთა კავშირში ეთნიკურ ქართველებთან ერთად სომხები მნიშვნელოვან როლს თამაშობენ „კანონიერი ქურდების“ იერარქიაში.
რუსეთმა მსგავსი კანონი 2019 წელს მიიღო. საქართველოში ეს კანონი 2004 წელს იქნა მიღებული.
წყარო – “რადიო თავისუფლება”
Latest posts by ანნა ტანდარიანი (see all)
- ქალები შუშის ჭერქვეშ - 25/03/2021
- “ქალების სრულყოფილების ფორმულა” - 24/03/2021
- ქალთა შრომითი ურთიერთობები და გენდერული როლები - 12/03/2021
