საქართველოში სომხეთის ელჩი ჯავახეთს ეწვევა

20 მარტს, საქართველოში სომხეთის ელჩი რუბენ სადოიანი საელჩოს თანამშრომლებთან და კონსულთან ერთად ახალქალაქს ეწვევა. იგი ადგილობრივ მოსახლეობას შეხვდება.

სამცხე-ჯავახეთის რეგიონში ვიზიტი 19 მარტს ახალციხეში დაიწყება. 15:00 საათზე, ელჩი სამცხე-ჯავახეთის რეგიონული დარბაზის მონახულების მსურველებს შეხვდება.

სადოიანი ახალქალაქის მერიაში შეხვედრას 20 მარტს 12:00 საათზე გამართავს.

ელჩის ნინოწმინდაში ვიზიტი 21 მარტს გაიმართება. ნინოწმინდის მერიაში 12:00 საათზე ის ყველა მსურველს შეხვდება.

ვიზიტის ფარგლებში ასევე გაიმართება საკონსულო შეხვედრაც. ადამიანებს, რომლებსაც აქვთ საკონსულოსთან დაკავშირებული შეკითხვები, შესაძლებლობა ექნებათ პასუხები საელჩოს თანამშრომლებისგან მიიღონ.