Latest posts by Aliq Media (see all)
ახალქალაქის მუნიციპალიტეტის შორეულ სოფლებში ბავშვები საბავშვო ბაღებში ვერ დაჰყვთ. Სოფლებში – ხავეთი, ერინჯა და დაბნია, რომლებიც ერთ გზაზე მდებარეობს, 25-ზე მეტი ბავშვი ცხოვრობს. Მათ საბავშვო ბაღში სწავლის საშუალება არ აქვთ․
„ალიქ მედია“ ბავშვების მშობლებს ესაუბრა, მათი თქმით, სახელმწიფომ და მუნიციპალიტეტმა ეს სოფლები დაივიწყა. ისინი აღნიშნავენ, რომ ახალგაზრდები დიდ ქალაქებში მიდიან სასწავლებლად და ბევრი არასდროს ბრუნდება უკან. „ამ საკითხთან დაკავშირებით მივმართეთ მუნიციპალიტეტს, მაგრამ ცალსახა პასუხი არ მიგვიღია, ასევე ვთხოვეთ, ავტობუსით მაინც მიეწოდებინათ, რომ ბავშვები სულდაში ან კარწახში მივიყვანოთ ბავშვთა სახლში, ასევე აღვნიშნეთ. რომ ყველაფერს გავაკეთებთ, რაც შეგვიძლია, მაგრამ აქამდე იმედით ვცხოვრობთ“. – განაცხადა ალიქ მედიასთან საუბარში სოფელ ხავეთის ერთ-ერთმა მცხოვრებმა.
“ვცდილობთ ბავშვების ყოველდღიური ცხოვრება უფრო საინტერესო გავხადოთ, მაგრამ სოფელში სათამაშო მოედანიც კი არ გვაქვს. ჩემი უფროსი შვილიმეორე კლასში გადავიდა, ვოცნებობდით, რომ საბავშვო ბაღში და შემდეგ ახალ სკოლაში წასულიყო. ჩემი შუათანა შვილი პირველ კლასშია, იმედი გვქონდა, რომ ის მაინც ივლიდა საბავშვო ბაღში, მაგრამ არა. ჩემი ბიჭი 4 წლისაა. ჩვენ მაინც გვაქვს იმედი, რომ საბავშვო ბაღში ერთი წელი მაინც დაესწრება”, – ამბობს სოფელ დაბნიას მკვიდრი, 3 შვილის ახალგაზრდა დედა.
ამ საკითხზე „ალიქ მედია“ ახალქალაქის მუნიციპალიტეტის მერს, მელქონ მაკარიანს ესაუბრა, რომელმაც პრობლემის მოგვარების გზა შესთავაზა.
„ამ დროისთვის მიმდინარეობს მუშაობა ამ საკითხზე, მაგრამ თუ სოფლის მოსახლეობას ექნება სურვილი, შესაბამისი განცხადებებითა და ბავშვების რაოდენობის მიხედვით, მიმართონ მუნიციპალიტეტს, რათა ბავშვებისთვის ტრანსპორტი გამოვყოთ უახლოეს საბავშვო ბაღში დასასწრებად“, – Მუნიციპალიტეტის მერი.
ახალქალაქის მუნიციპალიტეტის 2024 წლის ბიუჯეტის შესწავლიდან ირკვევა, რომ ახალქალაქის მუნიციპალიტეტის ბიუჯეტიდანსკოლამდელი დაწესებულებების რეაბილიტაციასა და მშენებლობაზე 53.5 ათასი ლარია გამოყოფილი. Აღნიშნული თანხა მიმართულიაახალქალაქის მუნიციპალიტეტის სოფელ კულიკამის საბავშვო ბაღის რეაბილიტაციაზე.
2024 წლის ბიუჯეტში, როგორც წინა წლებში, არ არის გათვალისწინებული ახალქალაქის შორეული სოფლებში, კერძოდ ხავეთი, დაბნია, ერინჯა და მიასნიკიანი, საბავშვო ბაღების მშენებლობა. Როგორც ჩანს, სოფელ დაბნიას მკვიდრი 3 შვილის ახალგაზრდა დედის იმედი, რომ მისი უმცროსი შვილი მაინც ივლის ბაღში, ვერც წელს გამართლდება. “Ალიქ-მედია” გააგრძელებს საკითხზე დაკვირვებას და საკითხს, განახლებული ინფორმაციის არსებობის შემთხვევაში, მომავალშიც დაუბრუნდება. 
