საქართველოს ყოფილი პრეზიდენდტისა და უკრაინის ოდესის ოლქის ყოფილი გუბერნატორის, მიხეილ სააკაშვილის წიგნის “ძალთა გამოღვიძება” სომხური თარგმანის პრეზენტაცია ჯერაც  აქტუალური განხილვის საკითხია.

შეგახსენებთ, რომ წიგნის პრეზენტაციის ადგილი ორჯერ შეიცვალა, რადგან ადგილები სადაც პრეზენტაცია უნდა შემდგარიყო, წინასწარი შეთანხმების გარეშე უარს ამბობდნენ ღონისძიების ჩატარებაზე. წიგნის თარჯიმნმა, მიქაელ ნაჰაპეტიანმა მეორე პრეზენტაციის გაუქმების შემდეგ დამტკიცებით განაცხადა, რომ ეს დაკავშირებულია პოლიტიკურ ზეწოლასთან.

წიგნის პრეზენტაციის ამბავი ცალსახად არ იყო მიღებული სომხეთში. ბევრის აზრით, სააკაშვილი ანტისომხური პოლიტიკური მოღვაწეა და მისი წიგნის თარგმნა ზოგადად, საჭირო არც იყო.

6 თებერვალს, სომხეთში წიგნების ცნობილი საგამომცემლო ჰოლდინგის”ანტარეს” თავმჯდომარემ არმენ მარტიროსიანმა თავის ფეისბუქის გვერდზე ჩანაწერი გააკეთა, სადაც აღნიშნა, რომ წიგნის მთარგმნელმა მოწვევა მიიღო პრეზენტაცია მათ შენობაში ჩაეტარებინა, თუმა ამას გამოხმაურება არ მოჰყოლია.

“მათ ჩემი შემოთავაზება არ სჭირდებოდათ. ბიჭებო მე  თქვენ ნებას არ დაგრთავთ ჩემ ქვეყანა გააჭუჭყიანოთ. მე ნებას არ დაგრთავთ, თუნდაც ჩემს არალეგიტიმურად არჩეულ მთავრობაზე უსაფუძვლო ტალახი ისროლოთ. ჩვენი კარგი ან ცუდი მთავრობის იმიჯი ჩვენი სახელმწიფოს და ასევე ჩვენი იმიაჯია”, – წერს მარტიროსიანი.

მარტიროსიანის თქმით, წიგნით მაქსიმუმ 100 000 დრამის მოგება უნდა მოეტანა, იმ დროს როდესაც ავტორმა 100 000 დრამის სამაგიეროდ, სააკაშვილი გაურკვევლობაში ჩააგდო და ის თავს დაესხა ჩვენს მთავრობას, ჩვენს სახელმწიფოს და ჩვენ.

“ბიჭებო, ეს უკვე PR-ი არ არის. ეს სახელმწიფოს მოწყობილი ოინია”,- დაწერა მარტიროსიანმა.

სომხური სააგენტო aravot.am  ამ პოსტის საფუძველზე კომენტარი სთხოვა წიგნის ავტორს მიქაელ ნაჰაპეტიანს, რომელმაც აღნიშნა, რომ პირადად არმენ მარტიროსიანისგან მოწვევა არ მიუღია, არამედ ის მიიწვია წიგნის მაღაზია”ჰაიგირქმა”, თუმცა უარი თქვა რამდენიმე მიზეზის გამო, რომელთაგან პირველი მაღაზიის სიპატარავეა.

გარდა ამისა, ნაჰაპეტიანის თქმით წიგნის მაღაზიის თანამშრომლებმა აღნიშნეს, რომ მანამდე პრეზენტაციების გაუქმების მიზეზები იმდენად სერიოზული არ ყოფილა, რამდენადაც  ეს ჩანს.

“ჩემთვის პირველი შემთხვევის შემდეგ ყველა მოლაპარაკებაზე აუცილებლად განიხილებოდა რა იქნება, თუ რა იქნება ზეწოლის შემთხვევაში, და ჩემთვის მნიშვნელოვანი იყო, რომ ხალხმა ასევე ეს ვერსია წარმოიდგინოს, ეს პერსპექტივა. მესამე მიზეზი კი ისაა, რომ მე უკვე სხვა პიროვნების შემოთავაზება მივიღე”,-აღნიშნა ნაჰაპეტიანმა.

საბოლოოდ, სააკაშვილის წიგნის თარგმანის პრეზენტაცია 8 თებერვალს, ერევნის ერთ-ერთ პაბში შედგა.