მარნეულის მუნიციპალიტეტის ,,კულტურის ცენტრის” ორგანიზებით, გენდერული ძალადობის წინააღმდეგ მიმართული 16 დღიანი კამპანიის ფარგლებში ღონისძიება ჩატარდა.
როგორც „ინტერპრესნიუსს“ მარნეულის მუნიციპალიტეტის მერიიდან აცნობეს, კულტურის სახლის მიმდებარე სკვერში, გაიმართა აქცია სახელწოდებით „არა ძალადობას“.
„აქციის მონაწილეებმა სიმბოლურად ნარინჯისფერი ბუშტები გაუშვეს, რომლითაც სოლიდარობა გამოხატეს ძალადობის მსხვერლი ქალების მიმართ და დაგმეს მათ წინააღმდეგ განხორციელებული ყოველგვარი ძალადობა. ღონისძიების ფარგლებში, კულტურის სახლის ფოიეში, ასევე მოეწყო თემატური ვიდეოს პრეზენტაციაც, რომელიც სპეციალურად ამ დღისთვის შექმნეს კულტურის ცენტრის თანამშრომლებმა“, – ნათქვამია ინფორმაციაში.
მარნეულის მერიის ცნობით, ღონისძიებას, მარნეულის მუნიციპალიტეტის მერიის თანამშრომლები, საკრებულოს გენდერული საბჭოს წევრები, იურიდიული დახმარების სამსახურის მარნეულის საკონსულტაციო ცენტრის კონსულტანტი, მარნეულის ქალთა ოთახის მენეჯერი და სხვა მოწვეული სტუმრები ესწრებოდნენ.
Latest posts by ანნა ტანდარიანი (see all)
- ქალები შუშის ჭერქვეშ - 25/03/2021
- “ქალების სრულყოფილების ფორმულა” - 24/03/2021
- ქალთა შრომითი ურთიერთობები და გენდერული როლები - 12/03/2021
