Latest posts by Aliq Media (see all)
43-ე მსოფლიო საჭადრაკო ოლიმპიადა 23 სექტემბერს, „ბლექ სი არენაზე“ გრანდიოზულად გაიხსნა. ოლიმპიადაზე დასასწრებად საქართველოს მსოფლიოს 180 ქვეყნიდან ეწვევიან, მათ შორის, სომხეთიდანაც.
მათივე ცნობით, სპეციალურად ბათუმის ოლიმპიადის გახსნის საზეიმო ცერემონიისთვის მუსიკა ნიკოლოზ რაჭველმა და DJ კორძიმ შექმნეს, საბალეტო ნომერი ნინო ანანიაშვილის მიერ დაიდგა. მაყურებლის წინაშე ასევე წარდგება ანსამბლი „სუხიშვილები“.
„გახსნის ცერემონია აერთიანებს როგორც კლასიკური, ისე თანამედროვე კულტურის წარმომადგენლებს. „ბლექ სი არენაზე“ მისული სტუმრები სცენაზე იხილავენ ნინო ქათამაძეს, ლადო ათანელს, ლიზა ბაგრატიონს, გიორგი უშიკიშვილს, გიორგი ცაგარელს, ნიკა კოჩაროვსა და Young Georgian Lolitaz-ს, ფოლკლორულ ანსამბლს „ლაშარი“, აჭარის სახელმწიფო კაპელას, ევგენი მიქელაძის სახელობის ეროვნულ სიმფონიურ ორკესტრს, ნიკოლოზ რაჭველის ხელმძღვანელობით, ილიკო სუხიშვილისა და ნინო რამიშვილის ქართული ნაციონალური ბალეტის სახელმწიფო დასს. დროშების აღლუმს წარადგენენ ბათუმის სახელმწიფო საზღვაო აკადემიის კურსანტები“, – ნათქვამია ინფორმაციაში.
