Latest posts by Aliq Media (see all)
ეროვნებით სომეხი ქალი კინობიზნესის სამყაროს ყველაზე გავლენიანი ქალბატონების სიაში შევიდა.
საერთაშორისო გამოცემამ “celluloid junkie”-მ მსოფლიო კინემატოგრაფიაში ყველაზე გავლენიანი ქალბატონების სია გამოაქვეყნა. გამომცემლობის “ტოპ 50-ში” რუსული კინობიზნესის წარმომადგენელი, კინოთეატრ “სინემა სთარ”-ის დირექტორი, ეროვნებით სომეხი კარინა აღაჯანოვაც შევიდა, რომელმაც 39-ე ადგილი დაიკავა. აღაჯანოვა უკვე 5 წელია “სინემა სთარ”-ის ხელმძღვანელია და 3 წლის განმავლობაში ყველაზე გავლენიანი ქალბატონების სიაშია.
“Celluloid Junkie” 2015 წლიდან არსებობს, რომელიც მიზნად ისახავს საზოგადოების ყურადღების ცენტრში მოაქციოს კინობიზნესის სფეროში მოღვაწე ქალები.
კომპანია “ტაშირ გრუპ”-მა “სინემა სთარი”2005 წელს დააარსა. დღეს კომპანიას რუსეთის 16 ქალაქსა და სომხეთში აქვს ქსელები, რომელიც 26 კინოთეატრს მოიცავს. კომპანიის ხელმძღვანელია “ტაშირ გრუპის” პრეზიდენტის სამველ კარაპეტიანის ქალიშვილი ტათევიკ კარაპეტიანი.
