საქართველოს პარლამენტში „აგენტების კანონის“ („რუსული კანონი“) განხილვისა და მიღებისას სპეცრაზმის მიერ დაკავებული და ნაცემი მშვიდობიანი აქციის მონაწილეებს სხვადასხვა სახის სასჯელი ეკისრებათ. აღსანიშნავია, რომ ბევრ მათგანზე დაკავების დროს ფიზიკურად იძალადეს და სიტყვიერი შეურაცხყოფა მიაყენეს.

„სოციალური მართლიანობის ცენტრის“ სისხლის სამართლის ადვოკატმა მარიამ პატარიძემ „ალიქ მედია ჯორჯია“-სთან საუბარში განუცხადა, რომ რგოგორც „რუსული კანონის“ ერთ-ერთი მიზანი სიტყვის თავისუფლების შეზღუდვაა, ასევე ამ კანონის მოწინააღმდეგეების დაკავების მიზანია შიში დათესოს საზოგადოებაში  და შეზღუდოს გამოხატვის თავისუფლება.

„ამ კანონის რეალური მიზანია შეზღუდოს და რაც შეიძლება უხერხული გახდეს აზრის თავისუფალი გამოხატვა. ოპერაციებში, სადაც შინაგან საქმეთა სამინისტრო (შსს) თვითნებურად მოქმედებდა და უკანონოდ აკავებდა მომიტინგეებს, ჩვენ ზოგადად დავინახეთ, რომ პოლიციის ე.წ. კორდონებს ჰქონდათ წინასწარ გამოყოფილი როლი მომიტინგეების შემორტყმისა და დაკავების მიზნით. ამის შემდეგ სასამართლომ ზოგადად, პატიმრობა შემაკავებელი ეფექტად “, – განაცხადა პატარიძემ.

მისი თქმით, ხელისუფლება მხოლოდ კანონის წინააღმდეგ გამართული აქციების დროს არ ცდილობდა საზოგადოებაში შიშის დათესვას. დაკავებების, ძალოვნების მხრიდან ფიზიკური და სიტყვიერი შეურაცხყოფის მიყენების ფაქტებთან ერთად, ხშირი იყო სამოქალაქო პირების ფორმაში მყოფი ადამიებისგან ძალადობისა და მუქარის შემთხვევები. ასევე, ანონიმური სატელეფონო მუქარები. 

პატარიძემ ასევე აღნიშნა, რომ ამ დრომდე არც ერთი სამართალდამცავი, რომელმაც აქციის მონაწილეებზე ფიზიკურად იძალაადა, პასუხისგებაში არ მიუციათ.

„ჩვენ კარგად ვიცით, რომ დღეს მხოლოდ აქციის მონაწილეები ისჯებიან. იმ პერიოდში მომიტინგეების მიმართ გამოყენებული ძალადობისა და სახელმწიფოს შემდგომი რეაგირების მიმოხილვით, ვხედავთ ზოგად სურათს, თუ რა მოხდა და რა არის სახელმწიფოს მიზანი. ანუ ამ ხალხის დასაშინებლად, სხვადასხვა რეპრესიული მეთოდებით გააკონტროლონ სიტყვის თავისუფლება“, – დასძინა პატარიძემ.

10 ივლისს თბილისის საქალაქო სასამართლოს მოსამართლემ ნინო ენუქიძემ „აგენტების კანონის“ წინააღმდეგ საპროტესტო აქციის მონაწილე კახა კვეკვესკირი 2000 ლარით დააჯარიმა. აქციის დროს სპეცრაზმის მხრიდან მას ფიზიკური ძალადობა გაუკეთეს.

თბილისის საქალაქო სასამართლომ 2300 ლარის ოდენობით დააჯარიმა ლაზარე გრიგორიადისი, რომელიც პოლიციამ 14 მაისს, „აგენტების კანონის“ მესამე მოსმენით მიღების დღეს, პარლამენტის შენობასთან საპროტესტო აქციაზე დააკავა. 

თბილისის საქალაქო სასამართლომ აქციების დროს სასტიკად ნაცემი ანტისაოკუპაციო მოძრაობის ლიდერ დავით ქაცარავას 2000 ლარის ოდენობით დააჯარიმა.

„რუსული კანონის“ წინააღმდეგ გამართულ აქციაზე დაკავებული 20 წლის ფრიდონ ბუბუტეიშვილი სასამართლომ პატიმრობაში დატოვა.

აღსანიშნავია, რომ 15 აპრილიდან 15 მაისამდე,  პოლიციამ “აგენტების კანონის” საწინააღმდეგო აქციებზე, 185 ადამიანი დააკავა ადმინისტრაციული სამართალდარღვევებისთვის, წვრილმანი ხულიგნობისა და პოლიციელისადმი დაუმორჩილებლობისთვის.