კუხო–მ საგანგებო სხდომა მოიწვია: განიხილება სომხეთ-აზერბაიჯანის საზღვარზე არსებული ვითარება.
ოფიციალურ ბაქოსა და ერევანს შორის დაძაბულობის გაზრდის საკითხის განსახილველად კუხო-ს გენერალური მდივნის – სტანისლავ ზასის ინიციატივით, კოლექტიური უსაფრთხოების ხელშეკრულების ორგანიზაციამ საგანგებო სხდომა მოიწვია. ინფორმაციას კუხო–ს პრესსამსახური ავრცელებს.
”12 ივლისს, სომხეთ-აზერბაიჯანის საზღვარზე ვითარების დაძაბვასთან დაკავშირებით და ტავუშის მიმართულებით საომარი მოქმედებების გამო, კუხო-ს გენერალურმა მდივანმა სტანისლავ ზასმა ორგანიზაციის მუდმივი საბჭოს საგანგებო სხდომა მოიწვია”, – ნათქვამია განცხადებაში.
შეგახსენებთ, რომ დღეს სომხეთის საგარეო საქმეთა მინისტრმა ზოჰრაბ მნაცაკანიანს სატელეფონო საუბარი ჰქონდა კუხო–ს გენერალურ მდივანთან სტანისლავ ზასთან.
Latest posts by ანნა ტანდარიანი (see all)
- ქალები შუშის ჭერქვეშ - 25/03/2021
- “ქალების სრულყოფილების ფორმულა” - 24/03/2021
- ქალთა შრომითი ურთიერთობები და გენდერული როლები - 12/03/2021
