საქართველოში მცხოვრებმა აზერბაიჯანელებმა პარლამენტის წინ ახალქალაქში მიხეილ ავაგიანის ძეგლის დადგმა გააპროტესტეს.

შეკრებილებმა ავაგიანის ძეგლის მოხსნა მოითხოვეს. მათი თქმით, ეს ფაქტი რეგიონში დესტაბილიზაციას უწყობს ხელს.

აქციაზე შეკრებილები ამბობენ, რომ ავაგიანის ძეგლის დადგმა რუსული პროვოკაციის მორიგი ნიშანია.

„ჩვენ ვაპროტესტებთ, პირველ რიგში, რა თქმა უნდა, სეპარატისტის ძეგლის დადგმას ახალქალაქში. აქციებს ჩავატარებთ მანამ, სანამ არ აიღებენ ამ ძეგლს და თუ საჭირო გახდა, ალბათ, სასამართლოში მივმართავთ, რათა დადგინდეს, რამდენად კონსტიტუციური, ასევე უცხო ქვეყნის სამხედრო პირის ძეგლის დადგმა ჩვენს ქვეყანაში,“ – ამბობს აქციის მონაწილე.