სომხეთის საგარეო საქმეთა მინისტრის, ზოჰრაბ მნაცაკანიანის მონაწილეობით ნიუ-იორკში, კოლექტიური უსაფრთხოების ხელშეკრულების ორგანიზაციის (CSTO) წევრი ქვეყნების საგარეო საქმეთა მინისტრებმა, CSTO- ის გენერალური მდივნის შეცვლის საკითხი განიხილეს.
სომხეთმა, CSTO პარტნიორ ქვეყნებს გენერალური მდივნის შეცვლის პროცესის დაწყება შესთავაზა. CSTO- ის გენერალურ მდივანს, იური ხაჩატუროვს სასამართლომ გირაო შეუფარდა, თუმცა, 4 აგვისტოს ის მოსკოვში დაბრუნდა და განაგრძო მუშაობა.
CSTO- ის წევრი ქვეყნების საგარეო მინისტრებმა ყურადღება გაამახვილეს კოლექტიური უშიშროების საბჭოს სხდომებზე, რომელიც ნოემბერში ასტანაში გაიმართება. ინფორმაციას ამის შესახებ სომხეთის საგარეო საქმეთა სამინისტროს პრესსამსახური ავრცელებს.
საქართველოშ დაბადებულ, 66 წლის გენერალ-ლეიტენანტ ხაჩატუროვს გამოძება 2008 წლის საპრეზიდენტო არჩევნების შემდგომ დაწყებული გამოსვლების ჩახშობას და რესპრესიებში ადანაშაულებს. მაშინ მას ერევნის გარნიზონის ხელმძღვანელის თანამდებობა ეკავა.
ამავე საქმეზე გამომძიებლებმა მანამდე ბრალი წაუყენეს ექს-პრეზიდენტ რობერტ ქოჩარიანსაც.
Latest posts by ანნა ტანდარიანი (see all)
- ქალები შუშის ჭერქვეშ - 25/03/2021
- “ქალების სრულყოფილების ფორმულა” - 24/03/2021
- ქალთა შრომითი ურთიერთობები და გენდერული როლები - 12/03/2021
