«Գալիս է ժողովրդի գարունը». այս խորագրով մարտի 31-ի Վրաստանի խորհրդարանի մոտ ցույցերի 124-րդ օրն է. Ռուսթավելիի պողոտան արգելափակվել է:

Երթի մասնակիցները կենտրոնական պողոտա են բերել Վրաստանի և Եվրամիության դրոշները, հնչել է Վրաստանի հիմնը։ Ցուցարարները վանկարկում են՝ փա՛ռք հերոսներին:

Տեղում աշխատող «Ալիք Մեդիա Վրաստան»-ի նկարահանող խմբի փոխանցմամբ՝ խորհրդարանի շենքի դիմաց մոբիլիզացված են ոստիկանները։

Վրաստանի 5-րդ նախագահ Սալոմե Զուրաբիշվիլին այս պահին ելույթ է ունենում խորհրդարանի դիմաց հավաքված ցույցարարների առաջ:

Հանրահավաքին աստիճանաբար միանում են երթեր մայրաքաղաքի տարբեր վայրերից։

Ցուցարարների պահանջները մնում են անփոփոխ. նրանք պահանջում են ազատ արձակել եվրոպամետ հանրահավաքի ժամանակ ապօրինաբար ձերբակալված կանանց և անցկացնել նոր խորհրդարանական ընտրություններ։

Ցույցեր են նաև Վրաստանի այլ շրջաններում՝ Բաթումիում, Զուգդիդիում, Չխորոծկղուում, Քութաիսիում, Գորիում, Թելավիում և Ախալցիխեում։

Այսօրվա ամսաթիվը խորհրդանշական է. 34 տարի առաջ այս օրը Վրաստանը հանրաքվեի միջոցով մերժեց խորհրդային 70-ամյա օկուպացիան։