Թբիլիսիի Սաբուրթալո թաղամասում գտնվող Գագարինի փողոցում միաժամանակ ինը մեքենա է իրար բախվել: Տեղեկացնում է Interpressnews լրատվականը: Դեպքը տեղի է ունեցել այսօր առավոտյան:

Սակայն, ըստ imedinews-ի, միմյանց են բախվել հինգ մարդատար մեքենա: Բախման պատճառը ճանապարհին առկա մերկասառույցն է։

Վթարի հետևանքով տուժողներ չկան:

Դեպքի վայրում են մոբիլիզացվել ոստիկանության աշխատակիցները:

Ներքին գործերի նախարարության տվյալներով, հետաքննություն է ընթանում, և բոլոր մեղավորները կտուգանվեն։