Freedom House միջազգային կազմակերպությունը լայնածավալ զեկույց է հրապարակել 2024 թվականին ամբողջ աշխարհում անցկացված ընտրությունների վերաբերյալ, որտեղ խոսվում է նաև Վրաստանի խորհրդարանական ընտրությունների մասին։

Ըստ Freedom House-ի տվյալների՝ Վրաստանն ընտրությունների առումով այլևս ժողովրդավարական երկիր չէ։

Նշված ժողովրդավարությունը ենթադրում է, որ ընտրություններն անցնում են ազատ և արդար, ապահովված են ընտրելու իրավունքը և խոսքի ազատությունը, սակայն, ըստ զեկույցի, Վրաստանն այլևս չի համապատասխանում այդ չափանիշներին։

Freedom House-ի զեկույցը հիմնականում ընդգծել է ընտրական գործընթացի ընթացքում բռնությունները՝ նշելով, որ աշխարհի 66 երկրներից 27-ում, որտեղ ընտրություններ են անցկացվել, բռնության ամենատարածված ձևը ընտրվող թեկնածուների վրա հարձակումներն են։

Զեկույցում նշված է, որ 11 երկրներում բռնություններ են տեղի ունեցել ընտրությունների արդյունքներով բողոքի ցույցերի ժամանակ։ Այստեղ Մոզամբիկի հետ միասին հիշատակված է Վրաստանը և նշված է, որ երկրում «անվտանգության ուժերը անհամաչափ ուժ են կիրառել ցուցարարների նկատմամբ»։