Վրաստանի խորհրդարանի 30 ընդդիմադիր անդամներ հայց են ներկայացրել Սահմանադրական դատարան (ՍԴ)՝ հոկտեմբերի 26-ի ընտրությունները հակասահմանադրական ճանաչելու վերաբերյալ։ Այդ մասին հայտարարել է ընդդիմադիր «Միասնություն — Ազգային շարժում» կոալիցիայի առաջնորդներից Թամար Կորձաիան:
Կորձաիայի խոսքով՝ դատարանը պետք է հայցը քննարկի մեկ ամսվա ընթացքում, հետևաբար՝ նոյեմբերի 25-ին կամ 26-ին խորհրդարանի առաջին նիստի գումարումը հակասահմանադրական կլինի։
Ուշագրավ է, որ մինչ այդ ընտրությունների հակասահմանադրականության հարցով սահմանադրական հայց է ներկայացրել նաև Վրաստանի նախագահ Սալոմե Զուրաբիշվիլին։
Ըստ Կորձաիայի՝ դա նշանակում է, որ ՍԴ-ն պետք է ընդունի հայցը և մեկամսյա ժամկետում քննի սահմանադրական ճանաչման հարցը։ Մյուս կողմից, ըստ նրա՝ սա նշանակում է, որ Վրաստանի խորհրդարանի պարտադիր առաքելությունը լիազորություն չունի ցուցակում ընդգրկել խորհրդարանի պոտենցիալ անդամներին, քանի որ վիճարկվում է խորհրդարանի բոլոր 150 անդամների ընտրության սահմանադրականությունը։ Ուստի, Կորձաիան պնդում է՝ 25-ին կամ 26-ին Իրակլի Կոբախիձեի հայտարարած հանդիպումը հակասահմանադրական է լինելու։
Վրաստանի նախագահը նոյեմբերի 19-ին հայց է ներկայացրել ՍԴ։ Նրա հայցի համաձայն՝ հոկտեմբերի 26-ի ընտրությունների արդյունքները պետք է չեղյալ համարվեն։ Հայցը ՍԴ է ներկայացրել նախագահի ներկայացուցիչ, փաստաբան Էկա Բեսելիան։ Դատարանը 30 օր ունի այն քննելու համար։
Վրաստանի խորհրդարանի կանոնակարգի 86-րդ հոդվածի համաձայն, պատգամավորի մանդատը չի փոխանցվում այն քաղաքական գործչին, ում ընտրությունը բողոքարկվում է ՍԴ-ում։
Սահմանադրագետների խոսքով, քանի դեռ հարցը սահմանադրական է, խորհրդարանը չի կարող ճանաչել սեփական իշխանությունը։ Ըստ կանոնակարգի՝ նա հայեցողություն չունի։
Նշենք, որ նոյեմբերի 16-ին ԿԸՀ-ն հաստատել է ընտրությունների ամփոփիչ արձանագրությունը. խորհրդարանական ընտրություններն ամփոփված են։
Հոկտեմբերի 26-ի ընտրությունների արդյունքները ճանաչում է միայն իշխող կուսակցությունը։ ԿԸՀ-ի ներկայացրած արդյունքներով՝ 11-րդ գումարման խորհրդարանում «Վրացական երազանք»-ն ստացել է 150 մանդատից 89-ը, մինչդեռ չորս ընդդիմադիրները ունեն ընդհանուր 61 մանդատ։ Ընդդիմությունը, նախագահն ու քաղհասարակությունը պնդում են` ընտրությունները կեղծվել են։
Միջազգային հանրությունը Թբիլիսիին կոչ է արել օբյեկտիվ հետաքննություն անցկացնել ընտրությունների վիճելի արդյունքների վերաբերյալ՝ ստուգելու համար կեղծիքների հետ կապված «լուրջ կասկածները»։
Ինչ մեխանիզմներ կան խորհրդարանի նիստը ձախողելու համար. փորձագետներ
