Վրաստանի «Միացյալ ազգային շարժում» կուսակցությունը հայտարարել է նոյեմբերի 23-ին՝ Վարդերի հեղափոխության օրը մեծ շուքով նշելու մասին։
«Մոտենում է նոյեմբերի 23-ը՝ Վարդերի հեղափոխության 20-ամյակը։ «Միացյալ ազգային շարժումը» պատրաստվում է մեծ ժողով անցկացնել, բացահայտելու նաև իշխանությունների միջամտությունը։ Մինչ Alt-Info-ն, ռուսական ուժերը պետական շենքերում հանդիպումներ անցկացնելու որևէ խոչընդոտի չեն հանդիպում, մեր արևմտամետ ուժերի դեմ բացահայտ արշավ է իրականացվում», – ասել է կուսակցության անդամ Դավիդ Կիկիտաձեն։
Կիրկիտաձեի խոսքով՝ հանդիպմանը նախատեսվում է նաև մանիֆեստի ստորագրում։
«Վարդերի հեղափոխությունից» 20 տարի է անցել: 20 տարի առաջ՝ նոյեմբերի 23-ին, Թբիլիսիում ցուցարարները ներխուժեցին խորհրդարան՝ պահանջելով նախագահ Էդուարդ Շեւարդնաձեի հրաժարականը: Նախագահը հրաժարական տվեց, ցույցերը գլխավորող «Միավորված ազգային շարժման» առաջնորդ, այժմ անազատության մեջ գտնվող Միխեիլ Սաակաշվիլին մի քանի ամիս անց հաղթեց նախագահական ընտրություններում:
