2024 թվականի խորհրդարանական ընտրություններին միավորված քաղաքական կուսակցությունները ընտրություններին կմասնակցեն ոչ թե կոալիցիոն (դաշինք) տեսքով, այլ կոալիցիայի մեջ ընդգրկված կուսակցություններից մեկի անունից։

Ի տարբերություն նախորդ տարիների, որպեսզի ընդդիմադիր կուսակցությունները խորհրդարանական ընտրություններում հաղթահարեն 5 տոկոսի շեմը, դաշինքների փոխարեն պետք է միավորումներ ստեղծեն:

Օրենսդրական փոփոխությունները, որոնք դժվարացնում են ընդդիմադիր կուսակցությունների գործունեությունը, խորհրդարանն ընդունել է 2023 թվականի հոկտեմբերին՝ ընտրություններից մեկ տարի առաջ։

Արդեն հայտնի է, որ ընտրություններում.

• «Ստրատեգիա Աղմաշենեբելին» կմասնակցի «Միացյալ ազգային շարժման» հետ միասին։ Նրանց միությունը կոչվում է «Միասնություն»:
• «Դրոա»-ն, «Գիրչի-առավել ազատություն»-ը և «Ախալի»-ն կմասնակցն միասին: Նրանց միությունը կոչվում է «Կոալիցիա փոփոխությունների համար»:
• «Լելո»-ն, «Ժողովրդի համար»-ը և «Ազատության հրապարակ»-ը միասին կմասնակցեն: Նրանց միությունը կոչվում է «Ուժեղ Վրաստան»:

Փոփոխված ընտրական օրենսգրքով պայմանավորված՝ առաջիկա խորհրդարանական ընտրությունների քվեաթերթիկներում այս կոալիցիաներից ոչ մեկի անունը չի գրվելու։  Ընտրողը կտեսնի միայն այն կուսակցության անունը (կամ դրա կրճատ տարբերակը), որի ընտրական համարով միությունը կառաջադրվի:

Ավելի կոնկրետ՝

• «Միասնական ազգային շարժման» փոխարեն՝ «Միասնության»,
• «Ախալի- միասնություն Գվարամիա Մելիա»-ի փոխարեն՝ «Կոալիցիա փոփոխությունների համար»,
• «Լելոն Վրաստանի համար»-ի փոխարեն՝ «Ուժեղ Վրաստան» և այլն:

Հայտնի է նաև, որ հակաարևմտյան հռետորաբանությամբ հայտնի «Ժողովրդի ուժը» կառաջադրվի իշխող «Վրացական երազանքի» ցուցակով։

Կուսակցությունների գրանցումը ԿԸՀ-ում կդադարեցվի ընտրություններից 30 օր առաջ՝ սեպտեմբերի 26-ին։