Հունվարի 11-ի գիշերը Բաթումիում ձերբակալվել է «Բաթումելեբի» լրատվամիջոցի հիմնադիր և տնօրեն Մզիա Ամաղլոբելին. վերջինս ձերբակալվել է Բաթումիի ոստիկանության գլխավոր վարչությունում տեղի ունեցած ցույցին մասնակցելու ժամանակ։
Ամաղլոբելին ձերբակալվել է «Վրաստանը գործադուլ է անում» գրությամբ պաստառ փակցնելու համար: Նշվում է` Ամաղլոբելիին ազատ են արձակել, հետո կրկին ձերբակալել։
Ամաղլոբելին «Գազեթի Բաթումելեբի» ՍՊԸ-ի հիմնադիրն ու տնօրենն է, որը միավորում է երկու լրատվամիջոցների՝ «Բաթումելեբի» և «Նեթգազեթի»:
Ըստ վերջին տեղեկությունների` Ամաղլոբելին ձերբակալվել է Քրեական օրենսգրքի 353-րդ հոդվածի 1-ին մասով` հարձակում ոստիկանի, հատուկ քրեակատարողական ծառայության աշխատակցի կամ պետական այլ ներկայացուցչի կամ հասարակական հիմնարկի վրա։
Տեղեկությունն ի սկզբանե տարածել է «Բաթումելեբին»՝ հիմք ընդունելով քննիչի կողմից ձերբակալվածի ընտանիքին տրամադրված տեղեկությունները, մի քանի րոպե անց փաստաբանները հաստատել են դա։ Այս հոդվածով ձերբակալված անձը պատժվում է 4-7 տարի ազատազրկմամբ։
Հունվարի 12-ին Թբիլիսիում՝ կառավարության շենքի մոտ, անկախ լրատվամիջոցները, մասնագիտական կազմակերպությունները և ԶԼՄ-ների իրավունքների պաշտպան կազմակերպությունների ներկայացուցիչները համերաշխություն են հայտնել Բաթումիում կալանավորված Ամաղլոբելիին։
«Ազատություն ռուսական ռեժիմի քաղբանտարկյալ Մզիա Ամաղլոբելիին: Պահանջում ենք անհապաղ ազատ արձակել նրան», — պահանջել են ցուցարարները:
