Հունվարի 15-ից Վրաստանի հանրակրթական դպրոցներում մեկնարկել է 2023-2024 ուսումնական տարվա երկրորդ կիսամյակը:
2023-2024 ուսումնական տարվա երկրորդ կիսամյակը (2-րդից 11-րդ դասարանցիների համար) կտևի մինչև հունիսի 15-ը՝ ամառային արձակուրդի մեկնարկը: Առաջին դասարանցիներն ուսումնական տարին կավարտեն մայիսի 27-ին, 12-րդ դասարանցիները՝ մայիսի 20-ին:
Մինչ այդ կան մի քանի արձակուրդի օրեր ևս, որոնց ընթացքում աշակերտները կհանգստանան.
- մարտի 3՝ Վրաստանում նշվում է մայրերի օրը,
- մարտի 8-ից մարտի 14-ը ներառյալ՝ գարնանային արձակուրդ,
- ապրիլի 9՝ ազգային միասնության, քաղաքացիական համաձայնության և հայրենիքի համար զոհվածների հիշատակի օր:
- մայիսի 3՝ կարմիր ուրբաթ,
- մայիսի 6՝ մեռելոց,
- մայիսի 9՝ ֆաշիզմի դեմ հաղթանակի օր:
