Վրաստանում ԵՄ դեսպան Պավել Հերչինսկին պատասխանել է «Վրացական երազանք» կուսակցության արտաքին գործերի (ԱԳ) նախարար Մակա Բոճորիշվիլիի հետ հանդիպման պատճառով իրեն ուղղված քննադատությանը:
Դեսպան Հերչինսկին ասել է, որ իրեն հրավիրել են արտաքին գործերի նախարարություն։
«Ես դիվանագետ եմ։ Իմ դերը կապի ուղիները բաց պահելն է բոլորի հետ, խոսել բոլորի հետ։ Դիվանագիտական զրույցը չի նշանակում ճանաչում (նկատի ունի ընտրությունները — հեղ.): Հանդիպում և խոսում եմ բոլորի հետ։ Որպես դիվանագետ՝ պարզապես իմ գործն եմ անում»,- ասել է Հերչինսկին։
Վրաստանի նախագահ Սալոմե Զուրաբիշվիլին քննադատել է Հերչինսկուն՝ Բոճորիշվիլիի հետ հանդիպման համար։
Հերչինսկու հանդիպումը Բոճորիշվիլիի հետ այն ժամանակ, երբ ԵՄ անդամ երկրների մեծամասնությունը չի շնորհավորել «Վրացական երազանք»-ին խորհրդարանական ընտրություններում հաղթանակի կապակցությամբ, իսկ ընդդիմությունն ու նախագահը իշխանությունը համարում են ոչ լեգիտիմ, թե՛ Վրաստանում, թե՛ արտերկրում շատ քաղաքական գործիչներ ու մեկնաբաններ են քննադատել:
