Ծալկայի կիրճում (Դաշբաշի կիրճ) նախատեսվում է ակվապարկ բացել, Business Media Georgia-ի փոխանցմամբ՝ հայտնել են կիրճի նորակառույց համալիրի հեղինակ Kass Land ընկերությունից:

Տեղեկությունների համաձայն, նախատեսում է լրացուցիչ ներդրումներ կատարել Ծալկայի կիրճի տարածքում, կկառուցվի նաև հյուրանոց։

«Կառուցվող հյուրանոցը կունենա 53 սենյակ, կոնֆերանսների և ռեստորանային դահլիճներ։ Այս փուլում նախագծվում է ակվապարկը, որը փակ տեսքով կլինի, կկազմակերպվեն նաև սպա կենտրոններ։

Մենք նաև նախատեսում ենք կազմակերպել լրացուցիչ 200 միավոր «վիլահաուս» ջրաշխարհի մոտ։ Ներդրումների արժեքը այս փուլում հստակ որոշված ​​չէ, քանի որ նախագծային աշխատանքներն ընթացքի մեջ են»,- հայտնել են ընկերությունից:

Kass Group-ի փոխանցմամբ, սկզբում այցելուների մեծ մասը Վրաստանի քաղաքացիներ են եղել, հետո ավելացել է նաև զբոսաշրջիկների թիվը։

«Ինչ վերաբերում է Κass dimond հանգստավայրերի վիլլաներին, ապա դրանք այցելում են ինչպես Վրաստանի քաղաքացիները, այնպես էլ զբոսաշրջիկները։ Ներկայում վիլլայի արժեքը 100 դոլար է՝ ներառյալ նախաճաշը։ Մինչև տարեվերջ դրանց թիվը 40-ից կհասնի 60-ի»,- հայտնել են Kass Group-ից:

Հարկ է նշել, որ Դաշբաշի «Ադամանդե կամրջի» բացումից անցել է մոտ վեց ամիս, և այս ընթացքում էկոտուրիզմի տարածքն ունեցել է ավելի քան 100 հազար այցելու։

Դաշբաշի «Ադամանդե կամրջով» քայլելու արժեքը

Կայացավ Դաշբաշի կիրճի բացումը