Վրաստանից չվերահսկվող Հարավային Օսիայի (Ցխինվալիի շրջան) այն բնակիչները, որ ունեն նաև Ռուսաստանի քաղաքացիություն, պարզեցված ընթացակարգով վարորդական իրավունք կստանան։ Համապատասխան հրամանը ստորագրել է ՌԴ նախագահ Վլադիմիր Պուտինը։
Ըստ տեղեկությունների՝ փաստաթուղթը հրապարակվել է պաշտոնական համացանցում։ Պուտինի հրամանագրի համաձայն, մինչև օրենսդրության մեջ փոփոխություններ կատարվեն, օկուպացված Ցխինվալիի շրջանի բնակիչները կկարողանան տեղական լիցենզիաներով մեքենա վարել։
Ռուսական վարորդական վկայական ստանալու համար կպահանջվեն համապատասխան դիմում, ռուսական անձնագիր կամ բնակության թույլտվություն, «Հարավային Օսիայի անձնագիր կամ քաղաքացու ինքնությունը հաստատող այլ փաստաթուղթ», նաև Ցխինվալիում տրված վավեր վարորդական վկայական։ Միաժամանակ նշված է, որ կարգի համաձայն` ռուսական վարորդական վկայականները կարող են տրվել «Ցխինվալիի Հանրապետության տարածքում՝ ՌԴ արտաքին գործերի նախարարության սահմանած լիազորված անձանց կողմից»։
Պուտինը Ռուսաստանի կառավարությանը հանձնարարել է «Հարավային Օսիայի քաղաքացիներին» ազատել ռուսական վարորդական իրավունքի պետական տուրքի վճարումից։
Ռուսաստանի նախագահի հրամանագիրը ուժի մեջ կմտնի ստորագրման օրվանից և կգործի մինչև 2026 թվականի ապրիլի 1-ը։
Դրանից առաջ Պուտինը նույն հրամանագիրն էր հրապարակել օկուպացված Աբխազիայի քաղաքացիների համար։
