Թբիլիսիի յոթ բարձրագույն ուսումնական հաստատություններում բողոքի ցույցեր են ընթանում։ Պետական և մասնավոր բուհերի ուսանողները պահանջում են քաղբանտարկյալների ազատ արձակում և նոր ընտրություններ:
Խոսքը վերաբերվում է Թբիլիսիի Վանո Սարաջիշվիլիի անվան Կոնսերվատորիային, Ապոլոն Քութաթելաձեի արվեստի պետական ակադեմիային, Իլիայի պետական համալսարանին, Թբիլիսիի պետական համալսարանին, Ագրարային և Թատերական համալսարաններին, ինչպես նաև Բիզնեսի և տեխնոլոգիայի համալսարանին։
TV Pirveli-ի փոխանցմամբ՝ ուսանողները իրենց ձեռքերում ծածանում են «Վրաստանը մեզնից է սկսվում», «Արվեստը ստրկություն չի ճանաչում» մակագրությամբ պաստառներ:
Չնայած որոշ խոչընդոտների, ուսանողներին հաջողվել է մի քանի բուհերի տարածքում ևս փակցնել հիշյալ գրություններով պաստառները։
