Թբիլիսիում եվրոպամետ ցույցերն արդեն 24-րդ օրն է շարունակվում են։

Թբիլիսիի են ժամանել նաև բնակիչներ Վրաստանի տարբեր շրջաններից, ովքեր երթով շարժվում են դեպի խորհրդարանի շենք՝ միանալու հանրահավաքի մյուս մասնակիցներին։

Զուգընթաց մեկնարկել է աջարիացիների և սվանների երթը. ավանդական հագուստով և իրենց բնորոշ հումորի զգացումով ժողովուրդը համախմբվել է պաշտպանելու եվրոպական ապագան և պահանջում է ազատ արձակել բողոքի ակցիայի ժամանակ կալանավորվածներին, ինչպես նաև նշանակել նոր ընտրություններ։

Բողոքի ակցիային միացել են նաև նորաձևության ոլորտի ներկայացուցիչները։

Քաղաքացիները բողոքում են «Վրացական երազանք»-ի կառավարության որոշման դեմ, ըստ որի՝ Վրաստանը Եվրամիության հետ բանակցություններ սկսելու հարցն օրակարգում չի ներառի մինչև 2028 թվականը։