Բաթումիի «Շերատոն» հյուրանոցում հարձակման է ենթարկվել «Գախարիան Վրաստանի համար» կուսակցության առաջնորդ, նախկին վարչապետ Գիորգի Գախարիան, հայտնել է լրագրող Գելա Մթիվլիշվիլին։

Լրագրողի փոխանցմամբ` նախկին վարչապետին տեղափոխել են կլինիկա։

Մթիվլիշվիլիի խոսքով՝ հարձակվողները Աջարիայի ոչ լեգիտիմ խորհրդարանի պատգամավորներ են եղել։

Հյուրանոցում այս պահին քննչական գործողություններ են ընթանում։

Ըստ առկա տեղեկությունների` Գիորգի Գախարիան քթի կոտրվածք և ուղեղի ցնցում է ստացել։ Բաթումիի կլինիկայում այդ մասին լրագրողներին ասել է բժիշկ Թակո Շանթաձեն։