Բաթումիի քաղաքապետարանը խնդրել է սակրեբուլոյին սահմանել ծովափնյա զբոսայգում կանգնեցված «Սատանայի անիվ» ատրակցիոնի տարեկան վճարը՝ վարձակալության համար:
Ըստ Batumelebi լրատվականի, քաղաքապետարանը կարծում է, որ նախնական գինը պետք է որոշվի նախորդ աճուրդի արդյունքներով՝ 435 հազար 250 լարի։
Հատկանշական է, որ «Սատանայի անիվը» արդեն տրված է վարձակալության, «Պանորամա» ՍՊԸ-ի հետ պայմանագրի ժամկետը լրանում է նոյեմբերի վերջին։ Մեկ տարի առաջ աճուրդում նախնական գինը 287 հազար 250 լարի էր, սակայն աճուրդի արդյունքում այն գերազանցեց 400 հազար լարին։
Հայտնի ատրակցիոնը վարձակալության է տրվում հարակից տեխնիկա-օբյեկտների հետ միասին՝ շուրջ 1419 քմ հողատարածք։
